लोकशाही एक्सप्रेस न्यूज नेटवर्क
गोंदिया : जिह्यातील युवक युवतींना रोजगाराच्या संधी उपलब्ध होण्याच्या दृष्टीने जिल्हा कौशल्य विकास, रोजगार व उद्योजकता मार्गदर्शन केंद्र, गोंदिया व शिवप्रसाद सदानंद जायस्वाल महाविद्यालय, अर्जुनी मोरगाव यांच्या संयुक्त विद्यमाने दिनांक 15 जुलै 2025 रोजी सकाळी 11 वाजता शिवप्रसाद सदानंद जायस्वाल महाविद्यालय, अर्जुनी मोरगाव येथे जिल्हास्तरीय रोजगार मेळाव्याचे आयोजन करण्यात आले आहे. रोजगार मेळाव्यामध्ये 11 कंपन्यांचे उद्योजक सहभागी होणार असून 768 रिक्त जागांवर भरती करणार आहेत. करिता ईच्छुक उमेदवारांनी या जिल्हास्तरीय रोजगार मेळाव्यामध्ये सहभागी व्हावे.
इयत्ता 10 वी 12 वी पास, आयटीआय तसेच कोणत्याही शाखेचा पदवीधर अशा पात्रता असणाऱ्या बेरोजगार उमेदवारांसाठी रोजगाराची सुवर्ण संधी आहे. उमेदवारांनी शैक्षणिक पात्रतेची छायांकीत प्रमाणपत्रे, जिल्हा कौशल्य विकास, रोजगार व उद्योजकता मार्गदर्शन केंद्र, गोंदिया या कार्यालयाचे नोंदणी कार्ड सोबत आणणे आवश्यक आहे. अधिक माहिती साठी जिल्हा कौशल्य विकास, रोजगार व उद्योजकता मार्गदर्शन केंद्र, गोंदिया येथील दुरध्वनी क्रमांक 07182-299150 यावर किंवा gondiyarojgar@gmail.com या ईमेल आयडीवर संपर्क साधावा. या रोजगार मेळाव्यामध्ये जास्तीत जास्त उमेदवारांनी सहभागी व्हावे, असे आवाहन सहायक आयुक्त, जिल्हा कौशल्य विकास, रोजगार व उद्योजकता मार्गदर्शन अधिकारी रा.ना.माटे यांनी केले आहे.
