लोकशाही एक्सप्रेस न्यूज नेटवर्क
गोंदिया: महाराष्ट्र शासनाच्या कामगार विभागाच्या वतीने सर्व गीग व प्लॅटफॉर्म कामगारांना ई-श्रम पोर्टलवर नोंदणी करण्याचे आवाहन सहायक कामगार आयुक्त गोंदिया यांचेमार्फत करण्यात येत आहे.
नोंदणी कोण करु शकतात : झोमॅटो, स्वीग्गी, ओला, अर्बन कंपनी, फ्लीपकार्ट, ऐमेझॉन व इतर कोणत्याही डिजीटल प्लॅटफॉर्मवर काम करणारे डिलिवरी बॉय, चालक, फ्रिलान्सर, घरगुती सेवा पुरवठादार व इतर तत्सम असंघटीत कामगार.
नोंदणीसाठी पात्रता : वय 16 ते 59 असावे. आयकर भरणारा नसावा. EPFO व ESIC चे सदस्य नसावे.
नोंदणीसाठी आवश्यक कागदपत्र : आधारकार्ड, आधारकार्डशी लिंक असलेले मोबाईल नंबर, बँक खाते तपशिल.
नोंदणीचे फायदे : सामाजिक सुरक्षा योजना लाभ. सरकारी योजनांशी थेट जोडणी. भविष्यातील कल्याणकारी योजनांमध्ये समावेश.नोंदणीसाठी आपल्या नजिकच्या महा ई-सेवा केंद्र, इमारत व इतर बांधकाम कामगार सुविधा केंद्राला भेट द्या किंवा http://register.eshram.gov.in/#/user/platform-worker-registration या लिंकवर ऑनलाईन नोंदणी करा. तुमच्या हक्काचे संरक्षण आणि उज्ज्वल भविष्यासाठी आजच ई-श्रम पोर्टलवर नोंदणी करा, असे आवाहन सहायक कामगार आयुक्त यांनी केले आहे.
